Shillong: Ha ka sngi Palei, ka 9 tarik Iaiong, kumba ha ka por 3 baje eiei mynsngi, uwei u nongtuh ula shah kem ha ki pulit kiba iaid pahara katba u dang khura ia ka tape kali kaba la pynieng u nongniah katba u dang leit donkam ialade ha Lachaumiere, Shillong.
Ha ka jingshisha, u nongniah ula khang shabi ia ka kali namar ba u leit donkam ialade hynrei ynda ula wan ki pulit kila ong ia u ban ym pat ktah ia kali namar ba la shah khura ha u nongtuh.
Ki pulit kila rah ia une u nongtuh ban tohkit. La ioh jingtip b aune u nongtuh u dei uba la tip kyrteng kum u Basuklang Kharsyntiew, 32 snem u bym don iing don sem.
Ki pulit kila ioh kem ia u katba u dang khura ia ka tape kali ML05Y6773. U nongniah um shym la treh ban ujor halor kane ka jingjia hynrei ki pulit kila shim sou moto hi.
Myn sngi, prong u nongtuh ia ka tape kali | u dei ba khlem ïing
