Shillong: Mynta ka janmiet, kawei ka iing kaba la shu ieh ïing jah ha Harisabha, Laban ka la kem ding kynsan haduh ban lko ploin.
La suba jur ba lah ban don eiei ba leit wiang ding namar ha kane ka jaka, ym don ba ring bording namar ba la shu ieh noh kumto. Katkum ka jingtip, ka dei ka ktem ki nongdih drok kiba ioh shna ktem ha katei ka jaka, namar ba ym don nongsah bad ka long lynkrang khlem ba khang.
U Dinish Rai Officer In-charge ka Barabazar Fire Stations ula iathuh ba katkum ka jingtip kane ka iing kam don nongsah eiei bad kam don ka jingring bording bad ka jingkem ding, ka lah ban dei na kano kano bad ki pulit kin dang tohkit.
Ia ka jingklang ka ding, la lah ban pyllip noh tang hadien kumba 15-20 minit da ka jingkloi ki kali pynlip ding ban poi ha katei ka jaka.
Katba u trai bah Johny Rapthap ula ong ba kim ju sah shuh ha katei ka iing bad kane ka la pynioh lad ia ki nongtam tin jot, ban pyllong jaka sah. U la ong ba ka dei ka iing u kpa jong u bad hadien ba la khlad u kpa, kila iahuri hura bad ka la pyllong ia katei ka iing ban ia ieh iingjah. Ula ong ba lah ban dei ba don ba leh dusmon ruh ym lah ban tip.
Kem ding ka iing ba la shu ieh ïing jah ha Laban, suba ba don ba thang
