Shillong: U MDC ka UDP na Sohra u bah Titosstarwell Chyne ula ong ba ka Executive Committee kaba rim ha u snem 2018, ka la dep pynkylla ia ka AD Rules jong ka Assam and Meghalaya Autonomous Districts (Constitution of District Councils) Rules, 1951 bad la dep phah sha ka sorkar jylla tangba ka dang sahkut ha ka tnad District Council Affair (DCA) ka sorkar jylla.
Haba kren mynta ka sngi u bah Titosster ula ong ba kane ka shim por khlem pat ioh jingmynjur na u Lat namar ba la pynkylla lut ia baroh ka AD Rules hynrei lada kane ka EC kaba mynta ka donkam ban pynbeit biang, ka dei ban recall ne pan biang ia kaba la dep phah ka EC barim ha 2018.
U bah Titosstar ula ong ba kaba dawa kyrkieh ia mynta ka long ban pynkylla ia ka Rules 128 jong ka AD Rules khnang ban khang lad ia ki bym dei riewlum ne non-tribal bad kiwei ki riewlum bym dei trai muluk ban ioh iashim bynta ha ka elekshon ka District Council kynthup ban thep bad ban ialeh ia ka elekshon.
Ula pynpaw ia ka jingkmen ia ka jingpynkylla ia ka AD Rules da ka GHADC kaba buh kyndon ba tang kiba don syrnod Schedule Tribe ki lah ban ialeh ia ka elekshon watla kam pat kdew satia ban khang ia ka hok thep vote ki bym dei riewlum.
Ha kaba iadei bad ka KHADC bad JHADC, u la ong ba ka la dei ka por ban pynkylla tangba ki kyntien kim dei kijuh na kawei ka district council sha kawei pat.
Ka EC barim ha 2018 ka la dep pynkylla ia kane ka AD Rules hynrei dang sahkut ha DCA:Titos
