Shillong: Mynta ka sngi, ka sorkar jylla Meghalaya ka la pyllong ia ka tamasa phlim kaba nyngkong jong ka pyrthei ne ka 1st Shillong International Flim Festival ha State Convention Centre.
Ka jingpyllong ka sorkar ia kane ka tamasa, ka long shi bynta ban pynbha ia ka karkhana phlim ha ka jylla, ban pynmih ia ki tyngshop ne actor ne ki puron ne actress bad ki nongshna bad nongpynmih kiba kynsai wat ban iakop bad ka Bollywood ne Hollywood ruh.
Haba kren ha kane ka sngi, u myntri rangbah u Conrad Sangma ula ong ba ka sorkar kan seng ia ka Film Institute ha ka jylla khnang ban kyntiew ia ka kam shna bad ak phlim ha ka jylla, kaban iaryngkat bad kiwei pat ha ka ri bad ka pyrthei.
U la ong ba kine ki nongshna phlim kumba long mynta kila pyndonkam ia ka sap ka phong jongki na ka jingthrang khlem don kano kano ka jingkyrshan nangno nangno bad halor kane, ka sorkar ka don nadien jongki ban ai ka jingkyrshan.
U la ong ba ka Meghalaya ka dei ban pynmih ia ki nongshna phlim kiba kynsai tam, ki puron, ki tyngshop, bad kumjuh ki nongring ruh kin dei kiba kynsai tam ha ki sngi ban sa wan.
Ha kane ka sngi, u Conrad ryngkat u myntri ka tnad sam jingtip ka jylla bah Lahkmen Rymbui kila sam ruh ia ki song jingiarap sha ki nongshna phlim jong ka jylla.
Yn mih ki tyngshop ki puron ba pawnam kum ka bollywood, holywood, pynkhreh ka sorkar ban seng ia ka film institute
