Shillong: Ka sorkar jylla ka la pyntreikam ia ka jaka ieng kali kaba don ha phyllaw ka Additional Secretariat kaba ju pyllong mynshwa ia ka jingiakhih pyrshah sorkar da kaba iashong kyrain.
Ia kane ka jaka ieng kali la shna da kaba shu pynhiar pynkiew najrong sha tbian bad na tbiang sha jrong da u sainar lyngba kor electric.
Ka sorkar ka la buh dor T. 20 shi kynta bad T.10 hap siew extra man ka shi kynta lada ieng palat ia ka shi kynta bad kiba buh kali baroh shisngi ka dor kan long ym palat ïa ka 150 tyngka bad kiba buh kali ha ka por mynmiet kan long 100 tyngka shimiet. Lah ban buh 58 tylli ki kali ha kajuh ka por.
La tei ia kane ka multi level parking lot ha ka jinglut kaba long T.6.5 klur.
Shi bynta jong ka jingpyntreikam ia kane ka jaka buh kali, ka sorkar ka la khang pyrshah ban ieng kali lynter ka surok naduh ka bynta mar pyrshah ka ophis ïing dak ter ter shaduh Additional Secretariat.
Kane kan iarap ban pyllait na ka jingkhim ka surok na ka jingieng satah ki kali kiba wan trei ophis shi lynter katei ka jaka.
La treikam ka jaka ieng kali ha jaka ba ju iashong kyraiñ, ki lait ruh na u slap
