Shillong: Ka sorkar jylla ka la rai ban pyllong ia ka elekshon ban jied ia ki MDC sha ka Garo Hills Autonomous District Council (GHADC) kan long ha ka 10 tarik Iaiong 2026 bad ka jingniew vote kan long ha ka 14 tarik.
Ia kane la rai ka sorkar jylla mynta ka sngi ha kaba u myntri sorkar uba dei u nongaiktien ka sorkar, u bah Wailadmiki Shylla ula pyntip sha ki lad pathai khubor.
Katkum ka jingpyntip u Bah Wailadmiki, ka jingthep kyrteng kan sdang naduh ka 9 tarik Lber haduh 16 tarik Lber 2026 haduh ka por 3 baje, ka jingbishar bniah ïa ki kot ki sla jong ki kyrtong kan long ha ka 16 Lber hadien ka 3 baje janmiet. Ka jingweng kyrteng ne withdrawal kan long ha ka 17 tarik Lber bad ka jingai ïa ki shap kan long ha ka 18 tarik Lber 2026.
10 tarik Iaiong yn thep vote sha ka elekshon sha GHADC, rai ka sorkar jylla
