Shillong: U President ka MPCC u bah Vincent H Pala ula ong ba u myntri rangbah u Conrad K Sangma ula shet plak ia ki paidbah uba la kular mynshwa ba lada wan ka NPP ha ka bor, yn pyllait noh hi mar ia ioh synshar hynrei haduh mynta ka sah tang ka jingshet.
Haba kren mynta ka sngi, u bah Pala u la ong ba u myntri rangbah u la bat hi ia ka tnad marpoh khyndew ne ka mining hynrei ula synshar jan dap shiphew snem katba ki jingkular pat kim urlong satia. U la ong ba ka sorkar ka dei ban iathuh hok ia ki paidbah ba ka shah ne ym shah ban tih dewiong ym ban shu kular kai.
U la ong ba kam don jingeh ia ka sorkar ba kan pynkylla ia ka MMDR Act ban pyllait ia ka Meghalaya na ka jingshah teh ban tih dewiong tangba kam dei ban long ka jingpynjot ia ka mariang.
U Bah Pala ula kynnoh ba ka jingeh ba ka sorkar kam kwah ban pynkylla ia kane ka ain, ka dei namar ba ki duh nong ban kamai na Secretariat.
Katkum ka jingong u bah Pala, dei ban shah ban tih dewiong kumba long mynshwa tangba dei ban don ki kyndon ban pynbha ia ka rukom trei ban iada na ka jingpynjot ia ka mariang, ki khlaw ki btap.
Plak shet u Conrad ia ki paidbah nalor ba bat hi ia ka tnad marpoh khyndew, ong u bah Pala
