Shillong: Ki pulit ka East Khasi Hills kila pynbna paidbah ba u samla Wallamphrang Khongsit, 24 snem ka rta uba sah ha Khliehshnong Sohra, ula jah na ka thain arwah ha ka 10 tarik Rymphag 2026 kumba ha ka por 6 baje eiei janmiet.
Ha ka kyrwoh u Superintendent of Police (City) u Dewansh Pandey, IPS, ula ong ba u samla Wallamphrang u jrong 5.5 phut, u nang ban kren Khasi bad phareng, u kren ka sur ba jem, ula pyndep ia ka kyrdan Bachelor of Law ne LLB. Ha katei ka sngi u phong shirt rong iong, ka track suit rong iong, bad ka juti rong iong.
Kiba iohi bad lap ia u kin pyntip wut wut sha ki pulit 60091 96479.
Pynbna ki pulit ba jah u samla na Sohra na thain Arwah
