Shillong: U MLA ka Liang Pyrshah na North Shillong, u Bah Adelbert Nongrum u la pynpaw ka jingkhmih lynti ba ka Sorkar kan wanrah noh ïa ka kaiphot jong ka Expert Committee halor ka jingpynbeit thymmai ïa ka Reservation Policy.
U la ong ba ïa kane ka kaiphot jong ka Expert Committee ka long kaba donkam eh ban wanrah ban ïoh ïatai sani bha na ka bynta ka bha ka miat ki samla bad ban kyntiew ïa ka Jylla, khlem da kheiñ ka jingïohnong ne duhnong jongno jongno.
Ha kajuh ka por u MLA ka VPP u la ong ba ka mat tih dewïong beaiñ ruh kadei kawei ka mat ba kongsan ban ïatai, khamtam hadien ka jingjia ha Thangkso kaba la shim ïa ka jingim jong 32 ngut ki nongbylla tih dewïong.
Shuh shuh u la ong ba kum u nongmihkhmat ka long kaba donkam ban rah ïa ki mat kiba ktah ïa ki paidbah, ba kynthup ka jingpyntreikam ïa u Aadhaar, ki kam khappud bad kiwei kiwei.
Ka kaiphot ka Expert Committee, Thangkso, Aadhaar pynkhreh u bah Adelbert ban ïatai ha ka dorbar mang tyngka
