Shillong: Ka Kashari POCSO Act ka la rai pynrem ia uwei u briew uba la batbor ia ka khynnah ba dang rit ha u snem 2023.
Ha ka kyrwoh na u SP ka East Jaintia Hills, ka la ong ba ha ka 6 tarik Jymmang 2023, ki pulit kila ioh pdiang ia ka ejehar ha Khliehriat Women PS na ka kong Salbina Dkhar ba ka pyrsa jongka, ka la jah ha ka 4 tarik Jymmang 2023 ha ka por 6:30 baje mynstep ka la jah na iing ha Lad Rymbai.
Halor kane, ki pulit ki la rejister ha ka ain POCSO Act bad kila pyllong ia ka jingtohkit hapoh ka jingtohkit ka heh pulit L Siangshai. Hdien ka jingtohkit, ka kashari POCSO Act ka nongbishar B. Khriam kala tian bishar ia u Kmenlang Sana ba sin kum u Lang Sana bad ka la shem ba ula donkti ha kane ka kam bad ka la rai pynrem syndon da kaba hukum set phatok 25 snem ryngkat ka kuna kaba 30 hajar.
25 snem shah rai set phatok uba ngat POCSO ba batbor ia ka khynnah
