Shillong: Ka jylla Meghalaya ka la rakhe ia ka jingioh jylla kaba 54 snem kynthih ha Baghmara, ka South Garo Hills, kaba dei ruh ka jaka jong u myntri rangbah ba nyngkong ka jylla u Capt. Williamson Sangma.
Ha kane ka jingrakhe, u myntri rangbah um klet ban kren da ka ktien lajong, ka ktien Garo khnang ba ki paidbah Garo ki bym sngewthuh phareng kin sngewthuh.
Kane ka long ka jingiapher hapdeng ki myntri sorkar Khasi, kiba ju kren beit da ka phareng wat ha ka prokram kaba ju wan ki briew na nongkyndong ki bym sngewthuh ia ka phareng.
Ha kajuh ka por, u kren ruh da ka ktien phareng ha ka jingialang kaba don lang u symbud myntri rangbah bah Prestone Tynsong, u myntri ka tnad pule puthi ka jylla u bah Lahkmen Rymbui, ka DGP kong Idashisha Nongrang bad kiwei.
Kum kane ka jingrakhe kaba pyllong ka sorkar, shabar ka nongbah Shillong, ka dei ka sien ba nyngkong.
Ha kane ka sngi, u myntri rangbah u Conrad K Sangma, u symbud myntri rangbah bah Prestone, u myntri bah Lahkmen kila pynkynmaw ia ki kam ba kane ka sorkar ka la kyntiew ia ka roi ka por bad ki thong jongka shakhmat.
Rakhe Meghalaya ha Baghmara| khyrwit u Conrad da ka ktien Garo
