Shillong: Ka sorkar jylla ka la rai ban ailad biang ia kito ki khynnah kiba phiel ia ka klas IX bad X ba kin ialeh ia ka matrik ne Secondary School Leaving Certificate (SSLC) Examination hapoh ka jingpyniaid ka Meghalaya Board of School Education (MBOSE).
Ka jingialang ka cabinet ha ka 16 tarik Kyllangkot 2026, ka la shim ia kane ka sienjam ban plie lad ia kito ki khynnah kiba pep skul noh namar ba ki phiel ia ka klas IX lane kiba phiel ia ka klas X namar kino kino ki daw.
Shi bynta ban pynduna bad weng ia ka jingpep skul ki khynnah, ka sorkar ka la rai ban ailad ba kito kiba phiel ha klas IX, X ki lah ban ialeh ia ka matrik ne SSLC bad kane kan treikam naduh lashem snem.
Ki don kumba 2 lak ngut ki khynnah kiba phiel ia ka klas IX bad X ha kane ka shiphew snem bad kane ka rai ka sorkar kan plie lad ia ki ban ioh ialeh ia ka matrik.
Ka jingthmu ka sorkar ka long ban plie lad ia ki khynnah ba kin pass ia ka matrik ha kaba kin lait na ki jingeh haba ki kwah ban leit pyntbit ha kano kano ka jait kam ne ki jingialehkai namar ba ka jingpass ia ka matrik kan long u mawjam ia ki.
Kumba 2 lak ngut kiba phiel klas IX bad X kin ioh ialeh eksamin matrik
