Shillong: U myntri rangbah ka jylla u Conrad K Sangma ula ieh ha ka jingstad ki paidbah ban bishar ia kito kiba kynthoh ba ka jingpyllong ia ka cabinet shabar ka Secretariat ka dei tang ka jingpyllut phut.
Haba kren mynta ka sngi hadien ba la wai ka cabinet ha Orchid Resort, New Shillong Mawkasiang, u Conrad ula ong ba bishar hi, ngi pyllut phut ne ngi trei ia ka kam. U la ong ba mynshem snem haba ka sorkar ka pyllong ia ka Cabinet Retreat ha Sohra ruh, ka la ioh ban iathir bniah bha jai bad dei na kane ka daw, ba ka sorkar ka la lah ban shim ia ka sienjam kaba khraw ban pynthymmai ia ka rukom treikam ha ka tnad pule puthi khamtam ha kaba iadei bad ka jingsiew ia ka tulop ki nonghikai bad kiwei ki sienjam.
U la ong ba lyngba kane ka retreat cabinet, tang mynshem snem la lah ban pynsted haduh 80 hajar tylli ki file kiba ju iaid kyllain jelebi mynshwa hynrei mynta la pyniaid beit sak tang hapoh 24 kynta ban pynsted sha ki paidbah kiba hap ha ka CM Special Development Fund.
Ka cabinet retreat, kaba la wanrah ia baroh ki tnad sorkar naduh ki ophisar kiba rit haduh kiba heh tam, ban iathir bniah na ka bynta ban pynsted ia ki kam pynroi ha ka jylla khnang ba ka jylla kan kynjoh sha ka ioh ka kot kaba 10 billion ha 20230.
‘Sa bishar hi, ngi pyllut phut ne ngi trei ia ka kam’, ong u Conrad
