Shillong: Hadien ka jingdawa jur bad byrthen ka seng Voie of the People Party (VPP) kumjuh ki sengbhalang kum ka KSU, HYC, HANM, bad kiwei ban sei madan noh ia ka kaiphod ka Expert Committee halor ka bhah thungkam, ka sorkar jylla ka la rai mynta ka sngi ka 16 tarik Kyllalyngkot 2026, ban kit ia kane ka kaiphod shapoh ka ïing dorbar thawain kaban long ha ka 16 tarik u bnai Rymphang ban wan.
Hadien ba la wai ka cabinet, u myntri rangbah u Conrad K Sangma ula ong ba ka sorkar ka la rai ban rah ia kane ka kaiphod hapoh ka ïing dorbar khnang ban ioh ban iatai.
Kham mynshwa, u Conrad ula ong ba ka jingshim por ka sorkar ban pyllait paidbah ia kane ka kaiphod ka dei namar ba ka rben palat haduh kumba 4-5 hajar sla bad ka khia ruh haduh 200 kilo eiei.
Ia kane ka kaiphod la wanrah mynshem snem hynrei ka sorkar ka la bynshet ha u Chief Secretary ban pule bniah shwa ban sei madan.
Lah ban kdew ba ka sorkar ka la thaw ia ka Expert Committee ban pule bniah bad ban ai jingmut sha ka sorkar hadien ba u nongialam ka VPP u bah Ardent Miller Basaiawmoit ula pyllong ia ka jingiakhih shah thngan kaba la iaid kumba shi taiew kynthih eiei.
Ia ka cabinet retreat la pyllong ha Orchid Resort, New Shillong Mawkasiang.
Da kali kyrpang lah ban pynkit ka sorkar ia ka kaiphod ka Expert Committee sha ïing dorbar
