Shillong: Mynta ka janmiet kumba ha ka po4 4shiteng eiei, ka ding ka la klang kynsan ir ha ki iing tap shiliang ha Goenka, Iewmawlong kaba don mar pyrshah ka Parking Lot Iewmalong.
Kane ka jaka ka dei kaba sah bun ki bym dei Khasi ba la tap shiliang ia ki ïing bad kaba long khapngiah bha.
Ym pat lah ban tip ia ka daw jong ka jingpluh bad kumno ka sdang.
Namar ba ka jingshyrkhei ka ding, ka long kaba jur bha, da ki phew tylli ki kali pyllip ding kila wan poi ban tem ia ka ding ha katei ka jaka.
Ym pat ioh jingtip, ka don ne em ka jingmynsaw ki briew hynrei ka jingjulor ka long kaba shyrkhei na ka jingkylla pdei ki iing.
U MLA kane ka jaka ruh uba dei u myntri sorkar, bah Sanbor Shullai ula wan poi sha kane ka jingjia pluh ding.
Nalor ki pulit Meghalaya, la wan iarap lang sa ki shipai ruh ban iakhun ban pyllip ia ka ding.
Da ki phew tylli mareh ki kali pyllip ding, kylla dep bun ki iing tap shiliang ha Goenka, Iewmawlong
