Shillong: Ka seng HANM ka la sam kombor syaid sha ki longiing kiba duk ha ka thain Upper Shillong, ha ka prokram kum shi bynta ka jingpyniar jongka ia ka thapniang jong ka Upper Shillong Circle.
Ia kane ka prokram la pyllong ha ka 15 tarik Kyllalyngkot 2026 ha kaba ka seng ka la pynskhem ia ki 15 ngut ki dkhot treikam jongka Upper Shillong Mylliem circle da u nongialam ba rangbah ka seng u bah Lamphrang Kharbani.
Haba kren ha ka jingialang u bah Lamphrang ula ban jur halor ka ILP bad u pud u sam ka jylla bad ula pynkynmaw ba ka seng 2sien kynthih ka la leit sha nongbah Delhi ban pynbor ia ka sorkar India ban shimkhia haba iadei ba ki jingdawa ka jaitbynriew hynrei haduh mynta ki dang sahteng bad ym pat shym la ioh ia ka ILP, bad ka jingpynbeit ia u pud u sam ruh ka sahteng.
Ula ther ia ka sorkar india bad Meghalaya kiba la leh kuman ia ki jingdawa bad ula bynrap ba haba pan dohkha ka sorkar ka ai pynban da u bsein bad haba pan kpu ka ai pynban da u Shana.
Sam kombor syaid ka HANM ia kiba duk | haba pan kpu ai da u shana
