Shillong: Hadien 21 snem kynthih naduh 2004, ka jingangnud jong ki paidbah ka thain Ryngkuskong bad kiwei ki shnong kan sa urlong shen.
U MLA ka Mawsynram bah Oland Sing Suin ha ka 7 tarik mynta u bnai, ula leit ban iuhkjat ha ka wah Shilai kaba ula ai jingthoh sha ka sorkar naduh u snem 2004 ha kaba yn tei noh ia ka jingkieng doi doi kaban ai ka jingshakri ia ki paidbah katei ka thain.
Ia kane ka jingkieng kaba jrong 95 metre na shiliang sha shiliang yn tei ha ka jinglut kaba T.48 lak kaba hap Mawsynram konstitwensi bad yn sdang noh mynta shen.
U bah Suin ula ong ba hadien ba la dep ia kane ka jingkieng doi doi, kan ai ka jingshakri ia ki paidbah jong ki shnong ha katei ka thain kum ka Ryngkuskong, ban iaid sha Hat Mawdon, ka Lawbah, Nonglait, Nongtrai, Umiang bad kiwei.
Ia kane ka jingkieng la mang pisa na ka State Rural Employment Society kaba hap ha ka tnad Community and Rural Development.
Naduh 2004 sa ioh haduh 2025 ia ka jingkieng sainar ba 95 metre ha wah shilai
