Shillong: Ka Meghalaya Congress ka la kyntu ia ka sorkar jylla ban thung ia ka jingtohkit kaba laitluid halor ka jingshah pyniap u dkhot ka seng bhalang ha Garo Hills dang shen.
Haba pynrem jur ia kane ka jingjia, ka working President ka MPCC ka Deborah Marak ka la pynrem jur ia ka sorkar jylla kaba la phiel ban tehlakam ia ka shongsuk shongsain.
U Dilseng M Sangma ula khlad ha ka jingshah hiar thma ha ki runar dang shen ha Goalgaon ha West Garo Hills.
Ka Deborah ka la ong ba katba ka elekshon sha GHADC ka la nang jan, ka sorkar ka dei ban shim ba ka jingpynneh ia ka shongsuk shongsain kan dei kaba kongsan tam.
Ka la phah ruh ia ka jingsngew lem sha kiba haiing jong uba khlad bad dawa ka jingbishar hok ka dei ban ieng.
Dawa tohkit ka Congress ia ka jingshah pyniap u Achik
