Shillong: U myntri rangbah ka jylla u Conrad K Sangma ha ka 9 tarik Kyllalyngkot 2026, ula sam shithi thungkam sha ki 76 ngut ki Sub Inspector ha ka prokram kaba la pyllong ka Meghalaya Police ha 2nd MLP Battalion, Goeragre, Tura.
Haba kren ha kane ka prokram sam shithi thungkam, u Conrad ula ong ba palat 21,000 ngut ki candidate kiba aplai ia kane ka kam hynrei u blei u jied tang 76 ngut ban shakri ia ka jylla Meghalaya.
U la ong ba ki Sub Inspector ki dei ki khmat bad ki shkor jong ka tnad pulit bad ka sorkar, ban shakri ia ki paidbah bad ki nongthaw ain.
Ula ong ba ki pulit ki dei ban kynmaw ba kane kam dei tang ka ka jingioh kam, hynrei ka kam ban shakri ia ki paidbah, ia ka jylla bad ia ka ri.
Shwa ia kane, la ioh ruh ia ka jingkren na ka Director General of Police, ka kong Idashisha Nongrang, IPS. Ka la ong ba ia kane ka kam, la pynmih ia ka jingpynbna ha u snem 2024. Ka jingthungkam ia kine ki 76 ngut ki Sub Inspector ka long ban pynkhlain shuh ia ka tnad pulit na kiba la don lypa palat 17000 ngut ha ka jylla.
Kine kin leit ban shah hikai ha ka North Eastern Police Academy.
Na kine ki 76 ngut, 49 ngut ki shynrang bad 27 ngut ki kynthei.
La ioh ruh ka jingkren na u Chief Secretary u Dr. Shakil P. Ahammed, IAS bad kiwei.
Na ki 21 hajar, jied u blei tang 76: Conrad | Sam shithi thungkam ia ki pulit Sub Inspector ha Tura
