Shillong: Na ka daw ba ka sorkar kam shym la pyllait ia ka bai rneng ne incentive kaba la 7 bnai kynthih, ki nongtrei ASHA kila rai ban sangeh noh shwa ban leit trei tad haduh ba ka sorkar kan pyllait noh shwa ia ka reng.
Ka nongialam ka Meghalaya Asha Workers Union ka kong Sony Kharjana ka la ong ba ka jingiakhih sangeh treikam kan long naduh ka 8 tarik Kyllalyngkot haduh ban ioh ia ka khubor kaba bha na ka sorkar.
Ki kam jong ki Asha ka long kaba khia bha ha kaba ki hap ban leit thew kilo ia ki khunlung, ia ki longkmie ba ar met, ban leit ai jingpynshai shaphang ka jingkoit jingkhiah jong ki kynthei bad longkmie.
Ka jingpynslem ka sorkar ban ai ia ka bai rneng ka la ktah ia ki, namar ba ki hap ruh ban pyndap ia ki jingdonkam ha ïing hasem.
Ki don kumba 7 hajar ngut tam eiei ki nongtrei Asha ha ka jylla.
Ka kong Sony ka la ong ba ki Asha ruh kin don ki jingeh ba ki iakynduh ym dei tang ki paidbah bad mynta ki la rai ban shong thait beit shipor bad kin sdang noh da kaba leit ban bylla ban pyndap ia ka jingdonkam ha iing katba ioh ei.
Na ka kam thew kilo ia ki khunlung, longkmie ar met, yn leit bylla shwa ki ASHA
