Shillong: Ki shipai Delta Force ka America kila ioh sei ia u President ka Venezuela u Nicolas Maduro bad ka lok jongu, na jingthiah ha ka shiteng miet ka 3 tarik Kyllalyngkot 2026.
Ka America ka la ther bomb ruh ia ka nongbah Caracas kaba dei ka nongbaha ka ri Venezuela shwa ban leit sei ia u President jongka u Nicolas Maduro.
Ia u Maduro la pynkit sha New York, ban tian bishar halor ka jingkynnoh ia ki kam jongu ban pyniaid ia u drok bad ki kam pyntriem.
Kane ka jingleit sei ka America ia u President ka ri Venezuela na jingthiah, ka la pynkmen ia kiba ialeh pyrshah ia u namar ba kila kynnoh ba u synshar donbor.
Hynrei ha kajuh ka por, ki ri ka pyrthei kila pynrem jur ia kane ka jingleh donbor ka America pyrshah ia ka bor laitluid jong kawei pat ka ri bad kan ai mynsiem ia kiwei ban leh kumjuh haba ki don kano kano ka daw. Ka Russia, ka China, ka Iran bad kiwei kila pynrem ia kane ka jingleh ka America ban shu leit sei na jingthiah ia u nongsynshar jong ka ri.
Na jingthiah, leit sei ka America bak ia u President ka Venezuela bad ka lok
