Shillong: Namar ba kan dei ka miet ban iatuid ki paidbah ban pdiang sngewbha ia u snem thymmai sha Khyndai Lad, u Superintendent of Police jong ka East Khasi Hills u Bah Vivek Syiem mynta ka sngi, ula pynbna paidbah ba la khang ban iaid kali sha Khyndai Lad naduh ka por 5 baje janmiet ka 31 tarik Nohprah 2025.
Kane ka sienjam ba ki pulit kila shim ka long ban pyllait na ka jingkhapngiah bad sngew iapngop jong ki nongleit nongwan sha katei ka thain kaba bun briew tam ha ka nongbah.
Ia ki kali la bthah ban iaid na Kachari Point ban leit sha Raj Bhavan, kiba wan na Umsohsun kin leit iaid noh na Boucher Road bad Motphran.
Ki kali ki lah ban pynieng ha ka lad ba don ka Centenary Junction shaduh sha Rap’s Mansion bad na ka lad Pinewood shaduh ka lad ba don ka Botanical Garden.
U SP ula kyntu ia ki paidbah ban plan bha ban leit ban wan ha katei ka miet. Kane ka jingmana kan ym treikam tang ia ki Emergency Services.
Namar ban pdiang snem thymmai, khang iaid kali sha Khyndai Lad
