Takhuh ka kali ha khilon jingkieng Damsite, phah phai ki pulit

Shillong: Mynta ka sngi, kawei ka trok ka la pyrshang ban iaid na jingkieng Damsite hynrei ka la takhuh noh bad ka khilon kaba la shna da ki nar.
Mar kumta, ki pulit kila phah phai noh ia u driver ban ym shah shuh ban iaid.
Ka sorkar jylla ka la shna da ka khilon nar shwa ban iaid ha katei ka jingkieng na baroh ar liang, ban khang lad ban iaid ki kali heh namar ba ka la synjor.
Kane ka jingkhang iaid kali heh na jingkieng dam ka la iaid katto katne por mynta bad ka sorkar ka dang shna jingkieng thymmai sharum kane ka dam ban iaid ki kali heh kaba la khmih lynti ban dep ha u snem ban wan.