Shillong: U myntri sorkar ka jylla Nagaland na ka BJP u Temjen Imna Along ula wan sha Jirang mynta ka sngi ban kynmaw burom ia ka sngi khlad u Prime Minister barim u Atal Behari Vaypayee.
Ia kane ka prokram, la pyllong ka BJP Mandal Jirang. U Temjen ula ong ba u la wan ban iadon bynta bad ki dkhot jong ka party BJP ban kynmaw burom ia ka jingdap 100 snem ka jingdap u Atal Behari Vaypayee bad ka jingdon bynta jong u ban kyntiew ia ka ri.
Ula pynkynmaw ba ka North Eastern Council (NEC) ka don ha Shillong lyngba ka jingshim khia u Atal Behari Vaypayee kum u Prime Minister.
Ula ong ba ka thong ka BJP ka long ban pyllong ia ka ri India kaba bit kaba biang ha u 2047.
Hiar u myntri na Nagaland sha Jirang, ka NEC ka don ha Shillong
