Shillong: Ha ka por kumba 10 baje mynmiet ka 28 tarik Nohprah 2025, 3 tylli ki kali kila ing khong ploin ha Umkor, Pynursla. Ka daw ka long hadien ba ka la don ka huri hura hapdeng ki ar kynhun ha kaba ha katei ka sngi, ka don ka fete ha katei ka shnong kaba pyniaid ka Bright Boys Umkor.
Katkum ka jinglap ki paidbah, ki kali kiba la ingkhong ka long ha ka por 2 baje eiei mynstep.
U trai kali Swift ML05 AE 2904 u dei na ka Pyrdiwah katba ar tylli ki kali kiba kem ding na ka jingshah thang ka Swift ki dei na shnong Umkor, Pynursla.
Katkum ka jingtip, ka don ka jingïashoh ïadat hapdeng kawei ka kynhun bad uwei u briew ba ñiah ïa ka kali ‘Swift’. La kynnoh ba kila buaid kaba la poi sha ka jingiashoh, ha kaba u nobgñiah ka Swift u la dait ia uwei na kti haduh ban da phlei snam bad bit tabaiñ ruh ha ka kali.
La ïathuh ruh ba ki ar ngut ki la phet noh na katei ka jaka shipor bad wan phai da ka kynhun kaba kham bun ngut bad kthong ban shoh ia u nongniah jong ka kali Swift, kaba la pynlong ïa u nongñiah jong ka kali Swift ban ieh ia ka kali bad phet krad sha khlaw ha ka thaiñ Urksew Wahpathaw.
La suba jur ba ka jingshah thang katei ka kali ka dei kaba la leh da kitei ki briew hadien ba ki khlem ioh shuh ia u nongñiah ka Swift.
La ioh jingtip ba ki trai jong ki ar tylli ki kali ruh ki la leit ujor ejahar ha Pynursla Police Station bad ki pulit ki pynlong ïa ka jingtohkit bad ka jingthwet ïa ki briew ba donkti ka la ïaid.
Ingkhong ki kali ba iakajia ki ar kynhun ha Pynursla
