Shillong: Ban ai mynsiem lang ia ki paidbah, u MLA uba dei ruh u myntri sorkar u bah Sosthenes Sohtun, u Deputy Commissioner ka Ri-Bhoi u Abhilash Baranwal, u BDO ka Umling u bah Eric Dkhar nalor ki dkhot ka Green Tech Foundation ryngkat ki paidbah kila iashim bynta lang ha ka jingpynkhuid ha ka thain Byrnihat, Ri-Bhoi.
Ia kane ka jingpynkhuid ia katei ka shnong Byrnihat, la pyllong ka ophis u BDO Umling Block ryngkat ka jingiatreilang ki nongialam ka Synjuk ki Rangbah Shnong ka thain Byrnihat lem bad ki paidbah na 20 tylli ki shnong ha ka thain Byrnihat, mynta ka sngi ki la iamih paidbah na bynta ban pynkhuid ia ki lynti synkieng, ki jaboh jabain ka thain Byrnihat.
Ka la don ruh ka jingiakren shwa ban pynlong ia ka jingpynkhuid shnong, ha kaba u Bah Sosthenes Sohtun lem bad kiwei, ki la ban jur ia ki paidbah halor ka jingdonkam jong ka jinglehkhuid ha ki shnong kiba don ha ka thain khamtam eh, ba ka Byrnihat ka la ioh ia kata ka nam kum kawei na ki thain ba jaboh eh ka lyer.
Khuid plain ki jaboh ka thain Byrnihat, Pynkhuid shnong lang u myntri, u DC, BDO bad ki paidbah
