Shillong: Shi bynta ban kyntiew ia ka ktien Khasi bad Garo, ka sorkar jylla ka la rai ban pynrung ha ki skul naduh Primary naduh lashem snem ha baroh ki skul.
Ia kane ka rai, la mynjur ka cabinet ha ka jingialang mynta ka sngi.
U Myntri Rangbah u Conrad K Sangma ula ong ba ia bynta mynta u snem, kan ailad ba ia ki skul ban jied hi lada ki kwah ban hikai ktien Khasi bad Garo hynrei naduh lashem snem, kin hap ban pule beit khlem shah shuh ban jied.
U Conrad ula ong ba kane ka sienjam ba ka sorkar ka long ban seng nongrim ia ki khynnah naduh dang rit ba kin sngewthuh ia ka ktien Khasi bad Garo.
Ha kajuh ka por, u la pyni ruh ia ka kot kaba la dep ban pynbit pynbiang halor kane.
Hap pule ktien Garo bad Khasi naduh lashem snem ha ki Primary
