Shillong: Ka Online Tent Service Centre, ka la pyllong ia ka rynsan na ka bynta ki samla ha ka sien kaba ar. Ha kane ka kynti, la pyllong ha Mission Compound, Shillong ha kaba ki samla kila wan ban iashim bynta bad pyni ia ki sap ki phong.
Ha kane ka rynsan kaba shisien shi snem ne ka annual event, ki samla kila ioh ban iashim bynta ha ka kam thain jain, suh jain, pynbha dur, ka jingpyni sap jadu, pyni dait riam, ki jingshna ia ki jingpynriam itynnad, ka jingiadro dur bad kiwei.
Ka don ruh ka jingiaid pyni dur bha briew ryngkat ka jingdait riam, ka jingshad, ka jingpyni ia kiwei kiwei ki sap na ka bynta ban kyntiew ia ki samla ha ka kam seng kam seng jam ha la kijong ki kjat.
U nongseng ka Online Tent Service Centre, u bah Jubanlang Kharbihkhiew ula ong ba kane ka rynsan ka dei na ka bynta ban pynbyrngia ia ki samla ha ki kam kiba don jingmut, ba kin ioh ia ka lad ban pyndonkam ia ka sap jongki.
Ioh sei sap ki samla ha ki kam ba myntoi ha rynsan ka Online Tent
