Shillong:Ka Khasi Students Union (KSU) mynta ka sngi ka la wah lama iong ha kylleng ki jaka jong ka nongbah Shillong kum ka dak ban pyrshah ia ka Citizenship Amendment Act 2019 kaba la pyllong ain jubor da ka sorkar India.
U President ka KSU u bah Lambokatar Marngar haba kren sha ki lad pathai khubor ula ong ba kane ka sngi ka long ban pynkynmaw ha kylleng ka thain lammihngi ba ka sorkar India kam shym la sngap ia ki jingpynpaw jong ki kynhun bapher bapher khamtam ka NESO pyrshah ia ka jingpyllong aiñ ia ka CAA ha kitei ki por.
Ula ong ba ka jingbym pdiang ka NESO ia ka jingpyntreikam ia ka CAB kaba la kylla ain CAA, ka long namar kane ka ain kan plie lad plie jingkhang ia ki poiwir ha kine ki thain lammihngi.
Ula ong ba wat ka jylla Nagaland kaba don ia ka ILP ruh ka don ka jingshong syier, katno tam ka jylla Meghalaya ka bym don ia kino kino ki ain ban iada, kan shong syier na ka jingwan rung kyrtlep ki briew nabar.
Ula ong ba ka jylla ka la dawa ia ka ILP ruh ka dang sahteng haduh mynta watla ki la iakynduh ia ki myntri ka sorkar pdeng ruh hynrei kim shym la ioh jingpynshai eiei halor ka ilp
Ula ong ka jingbym ai ia ka ilp lah ban dei na ka jingbym shim khia ka sorkar jylla ne ka jingbym mon ka sorkar pdeng ban ai ia ka ilp
Ka jylla Nagaland ruh ka dang syier katno tam ia ka Meghalaya :KSU
