Shillong: Ka Drug Reduction, Elimination & Action Mission (DREAM) ka la thied 6 tylli ki sew ban sma drok ha ka jylla.
Kine ki ksew ki dei lai tylli kiba la tip kum ki Belian Malinois bad lai tylli ki Cocker Spaniels bad ka jingthmu ka long ban iarap ia ki Pulit ka Jylla ban thwet ia ki briew kiba khaii drok, kiba kit ha kali, ha ki pla bad buh rieh ha kino kino ki jaka.
Kine ki ksew ki shongdor T. 12,54,000, bad la ai jinghikai pyntbit halor kane ka bynta ha Bengaluru naduh u bnai Iaiong haduh u Naiwieng 2025.
Khyndai ngut ki Pulit ka Meghalaya ruh kila ioh jinghikai lang ha ryngkat bad kine ki ksew ban pynthikna ia ka jinglah treikam bha.
U Director ka DREAM Bah Francis Kharshiing ula pynpaw ba kine ki ksew kin nang iarap ia ka jinglah jong ki Pulit ban treikam bha, khamtam ha kaban lap ia u droks bala buhrieh bad lyngba ka jingpeit thuh ia ka rukom leh ki briew.
Kine ki ksew kila don hapoh ka jingkhmih jong ka ANTF (Anti-Narcotics Task Force) ka Tnad Meghalaya Police.
T.12 lak shiteng thied ksew ka sorkar ban sma bad beh drok
