Shillong, Nohprah 01: U MLA ka North Shillong u bah Adelbert Nongrum ula ong ba sngew kumban shu rkhie halor ka jingsawa ka sur ba un leit rung sha ka NPP.
Haba kylli ba ka don ka jingsawa khubor ba un leit iasoh sha ka NPP, u bah Adelbert ula ong ba mynshwa ruh ha ka por ba ki pynduh ia ka KHNAM hapoh ka jingialam u bah Paul Lyngdoh, bun ki mutdur ba un leit rung sha ka Congress lane ka BJP hynrei u neh ha ka KHNAM. Hynrei ia mynta un ap bad shaniah ha ka por ba kan batai ba un shim ia ka rai.
U la ong ruh kumno ki iakren ia kane haba u dang dei u MLA ka VPP watla u shah sospen na ka party. “Nga dang dei u MLA ka VPP bad u Speaker ruh ula pynthikna ia kane. Ka lynti kaba ki sospen ia nga, ka long kaba sospen ha kaba ki shu shim ia kane ka rai khlem da iasyllok bad nga. Ngam pdiang ia kane ka sospen jongki kumba la pynthikna u Speaker ba nga dei u MLA ka VPP”, la ong u bah Adelbert.
Ha kajuh ka por, u la ong ba un sa ei lut phar ia ka jingpyndonkam ia ka MLA skhim shen haba shit haba shai, khnang ba ki paidbah kin tip.
“Ai ba ki paidbah kin rai na ka konstitwensi jong nga, bad ngan pynshai ia lut ia ki skhm haba shai ba shai”, la ong u bah Adelbert.
Nga dei u MLA ka VPP, ka por ka dei u nonghikai ba tbit tam ba ngan shim ia ka rai: Adelbert
