Shillong: Na ka bynta ban pynneh ia ka shongsuk shongsain hapdeng ki nongshong shnong ki briew na Assam bad Meghalaya, la thaw ia ka Peace Committee.
Ia kane ka Committee la sakhi lang ki majistor na Assam bad na Meghalaya ha kaba, baroh ar liang mamla ki la iasoi ban pynneh ia ka shongsuk shongsain ha ka thain Maikhuli, hadien ba ka la mih ka jinghuri hura ha kine ki ar sngi, haduh ba ka la poi sha ka jingrah dien rah siej.
Kane ka la jia hadien ba la kynnoh ba ki don ki briew na Assam kiba wan pyndam ia ka jingthoh ha ka jingtei na ka skhim 100 sngi ne NREGS ha pung ha Maikhuli.
Ka jinghuri hura ka la pyllong ia ki pulit na baroh ar liang, kata na Meghalaya bad na Assam ba kin tuklar ban pynpra ia u paidbah.
Na ka liang u BDO ka Jirang u bah Erik Kevin Dkhar uba dei ruh u majistor ula aiti ia ka kopi jong ka Peace Committee kaba la pule hakhmat ka jingialang sha baroh ar liang ha ka jingialang kata sha u Topash Saikia na ka liang ka Assam bad u Rangbah shnong ka Maikhuli u Nicholas Marak na Meghalaya kaba la long mynta ka sngi.
Pyniasuk ka Peace Committee ka Assam bad Meghalaya ha Maikhuli
