Shillong: Ha ka janmiet ka 1 tarik Nohprah 2025, ki pulit ka Anti Narcotic Task Force (ANTF) kila ioh kem ia 3 ngut nongkhaïi drok na Seven Sister Hotel ha Khyndai Lad, Shillong ryngkat u drok.
Kine ki briew ki wan khnang naduh Silchar, Assam ban wan die ia une u drok hynrei la ioh pynpulom noh ki pulit. Katkum ka jingtip, kila leh mynleh ba ki shitom bad ki wan sha Shillong ban leit shah sumar ha NEIGRIHMS hynrei ka jingmut jongki pat ban ioh wan die ia u drok.
Na kine 3 Ngut, la ioh kurup 3 tylli ki song sabon ba don ia u drok Heroin. Kiba shah kem ki dei ba la tip kyrteng kum u Saijul Hussain, Rahim Uddin bad u Akbar Ali.
Hadien ka jingphla kine ki 3 ngut ba kila dep die ar song u drok ha uwei u briew, ki pulit kila pyllong ia ka jingkthong bad ioh kem syndon sa uwei u briew uba thied ban leit die pateng ia u drok ha thain Polo.
Une uba shah kem na thain Polo u dei ba la tip kyrteng kum u Amit Thapa, 25 snem.
Ki pulit ki dang tohkit ban lap shuh shuh ia kiwei kiba donkti bad la pynngat ia ki ha ka NDPS Act.
Na Silchar wan leh kumba pang ban leit sumar ha NEIGRIHMS, ban ioh die drok ha Shillong
