Shillong: Ka Nongjrong kaba pawnam bha na ka jingleit peit ia u lyoh shiteng suin, ka la pynbna ba kan khang noh ia ki nongjngohkai man ka sngi u Blei.
Kane ka rai jong ka shnong kan treikam noh naduh u snem thymmai 2026.
Ha ka jingpynbna paidbah, ka dorbar shnong Nongjrong ka la pynbna ba kane ka jingkhang man ka sngi u Blei ka long ban ailad ia ki nongshong shnong ban shong jahthait hadien ba ka jingwan tuid ki nongjngohkai ka la buh jingeh haduh ba kim ioh shongthait shuh. Nalor ha ka sngi u Blei, kam don ki jingdonkam u paidbah namar ba ki dukan, ki jaka ieng kali bad kiwei ki jingdonkam, ki khan glut.
Kane ka jingkhang shisien shi taiew, kan iarap ban pyllait ruh na ka jingkiw kiw kaw kaw bad ban ailad ia ki nongshong shnong ban shong thait da kaba jai jai.
Na ka liang ka dorbar shnong ka panmab na ki nongjngohkai halor kane kaba lah ban ktah ia ka jingthmu jongki ban wan jngohkai sha katei ka shnong.
Ia kane la pynbna da u rangbah shnong bah Pynshaiborlang Synjri bad u secretary bah Ryntihlang Mukhim.
Khang ka nongjrong ia ki nongjngohkai ha ka sngi u blei
