Shillong: Ka la don ka jingiajrong kti hapdeng ki ar kynhun kiba sah ha ka thain Maikhuli kaba don ha khappud ka Meghalaya bad ka Assam mynta ka sngi haduh ba la pynthanda noh da ki pulit bad majistor.
Katkum ka jingtip, ka jingiakynad ka la bthei biang hapdeng ki briew ka Meghalaya bad Assam hajan ka Pung shnong Maikhuli kaba hap ha ka Raid Marwet, Ri-Bhoi.
La iathuh ba ka huri hura ka mih ka sdang hynnin ka miet ha ka por 7 baje eiei mynmiet, ha kaba la kynnoh ba la don ki briew na ka jylla Assam, ki la wan ban pyndam da ka rong iong ia uwei u mawnongrim ka skhim 100 sngi ne NREGS uba la pynieng ka Meghalaya hajan ka Pung shnong kaba don ha Maikhuli.
Ki briew ka shnong Maikhuli kiba iohi ia katei ka jingwan niad rong iong ki briew ka Assam, ki la leit pynsangeh bad hangne ka la mih ka thma ktien kaba jur bad la pynthanda noh ki bor Distrik ka Ri Bhoi.
Hynrei hynne ka step, ka kynhun ki riew paidbah na ka jylla Assam bad Meghalaya, ki la sdang biang ia ka jingiania bad kane ka la poi shaduh u pud ba ki la ia rah dieng rah siej bad ia kurup para maki, hynrei la lah ban tem noh, da ka jingiadon ki Pulit na ka jylla Meghalaya bad Assam.
U Deputy Commissioner ka Ri Bhoi, u Abhilash Baranwal u la iakren bad ki Bor pyniaid Distrik ka Assam, khnang ba ki briew kiba sah ha katei ka thain khappud, ba kin pynneh ia ka shongsuk shongsain.
Namar ka rong iong iakynrup para paidbah na Meghalaya bad Assam
