Shillong: Ym dei tang ban nang ban niah ia ki kali, ki ar shaka hynrei dei ban tip ruh ia ki ain niah kali ban lait na ka jingmynsaw ialade bad ia kiwei ruh.
Shi bynta halor kane, ki pulit ka Ri-Bhoi kila pyllong ia ka jinghikai skul ia ki nongniah kali bad ar shaka ha madan Umden, ri- bhoi. Ia kane la iasnohkti lang ka Nongtluh Mathan Marmain Development Forum (NMMDF), ha ka jingiasnohkti lang bad u MLA ka Nongpoh u bah Mayralborn Syiem bad ki Pulit ka Ribhoi kynthup u V.S Rathore, Senior Superintendent of Police ka Ri Bhoi, u Bah Orville Massar, Additional Superintendent of Police ka Ri Bhoi, ki nongīalam ka kynhun NMMDF, ki riew rangbah ka thain bad ka kynhun ki Nongñiah Taksi kamai ka thain Umden.
Ki pulit ka Ri-Bhoi kila hikai skul bniah ia ki nongniah ar shaka, kali ruh kumjuh ban bud ryntih bha ia ki kyndon ain niah kali ha surok, khnang ba kan wanrah jingshngain, ym tang ia ki nongniah kali ne ar-shaka, hynrei na bynta ka jingshngaiñ ïaki nongleit nongwan. Ka jinghikai ka long kumno ban phong tupia ar shaka, ki signal, ban teh seat belt, bad jingpynsted bad kiwei.
Don ki driver bas hu tawah ia u seat belt haba iohi ia ki pulit |Hikai skul ki pulit Ri-bhoi ia ki nongniah
