Shillong: U myntri ka tnad kam ain ka jylla u bah Lahkmen Rymbui ula ong ba ka dei ka sien kaba nyngkong ia u ban ioh sngew ia ka kyrteng ka Mahadev Khola.
Ia kane ula ong mynta ka sngi hadien ba ka Khasi Students Union (KSU) ka la ujor ha u pyrshah ia ka jingtei beain ki briew ia ki iing ki sem ha katei ka jaka, kaba dei tang ka jaka mane blei.
U bah Lahkmen ula ong ba ka sorkar kan bishar bniah ia kane bad un pan jingtip na ka tand Revenue ka jylla kumno ban leh.
Ha kajuh ka por, halor ka jaka ha Maxwelton Estate ha Laban, u bah Lahkmen ula ong ba ula ioh ia ka jingujor na ka KSU halor ka jingdon ki briew kiba sah khlem ioh bor ha katei ka jaka bad ioh ba kan kylla ka ktem ban tei ia kino kino kiban ktah ia ka sor Shillong. U la ong ba ka Kashari ka la ai ia ka rai halor kane tangba um pat iohi ia ka rai bad un sa bishar ha kaba un khot ia ka Revenue kaei kaba dei ban leh.
Halor ka jingdawa ka KSU ban sangeh ban bteng ia u Vice Chancellor ka skulbah National Law University (NLU) u bah Lahkmen uba la kynnoh ba la kynnoh ba u la pyndonkam bakla ia ka bor nalor ba u la jan kut ka por, ula ong ba katkum ka jingong ka KSU, kila lap ba ula pyndonkam bakla ia ka bor, hynrei na ka liang jong u, ula ong ba lada ka ain ka kren kumta, ka sorkar kan bud ia kata namar ba kan bud katkum ki ain.
Ula ong ba kane ka skulbah ka dei kaba hikai ia ka ain bad um kwah ba uno uno un don ka jingsuba ba u pyndonkam bakla ia ka bor, bad un bishar ia kane ka jingujor ka KSU ban leh ia kaei kaba dei ban leh.
Ka dei ka sien ba nyngkong ba nga ioh sngew ia ka Mahadev Khola: Lahkmen
