Shillong: “Wat shah ialam bakla, u bah Charles Marngar nga kwah ba un sah hi u bah Charles Marngar, ai un don bad kano kano ka seng sain pyrthei, mynshwa nga don ha ka Congress, mynta nga don ha ka NPP lada ngam leit ruh lada ngam don ha ka sorkar, ngam ioh jingiarap namar ba ka politik ha ri India lada phim don ha ka sorkar, phim ioh eiei”, la ong u bah Charles Marngar u MLA ka Mawhati haba kren ha ka jingaiti ia ka ambulance mynta ka sngi ka 27 tarik Naiwieng 2025 sha ka Synjuk ki Rangbah Shnong Border Area Raid Umtung (SRSBARU) kaba kynthup ia ki 18 tylli ki shnong kiba don ha khappud bad ka jylla Assam ha Sabuda, Ri Bhoi District.
Ula bynrap, “Lada pyrta ieid ri ieid jaitbynriew, la shah ja ki khun kam long kaba dei, u bah Charles ruh u ieid ia ka ri bad ka jaitbynriew.
Ki paidbah katei ka thain Sabuda ha Ri Bhoi, kaba dei ruh ka thain ba la ju khot ju ka Block-2 kaba u MLA ula pynioh ia kane ka kali kit nongpang na ka Chief Minister Special Development Fund (CMSDF).
La sakhi lang ha kane ka sngi ka Dr. E. Talang, kaba dei peit ia ka Mawlasnai PHC, u Bah B. Sohtun, President ka SRSBARU, u Bah Alansius Bina, Secretary ka SRSBARU lem bad ki rangbah shnong bad ki paitbah nongshong na ki 18 shnong kiba don ha katei ka thain.
Ka politik ha India lada ym don ha ka sorkar, ym ioh eiei|U bah Charles Marngar un sah hi u bah Charles Marngar
