Shillong: Ki samla pule ka thain ri Bhoi kila ai khublei ia ki pulit ka Ri Bhoi khamtam ka traffic branch kaba la duh thiah duh dem ban phira bad hikai ia ki nongniah kali bad kumjuh ia ki paidbah ban lait na ka jingma.
Ym tang ba ki pyllut por ban pyniaid ia ki kali, ban pynsngewthuh ia ki driver kali, hynrei ki pynsngewthuh bad hikai ruh ia ki ain niah kali ia ki paidbah kumno ban tip haba jam ne iaid ha surok.
Halor kane, ki samla pule bad ki khynnah skul kila ai ka jingkhublei ia ki pulit ka Ri-Bhoi kiba la shim khia ym tang ban batai da ka shyntur hynrei kiba la kloi ban pyni nongmuna ne practical syndon.
Ka Ri-Bhoi ka la sakhi ia ka jingjia aksiden kaba man ka por ha surokbah haduh ba ka la wanrah ruh ia ka jingduh kiba bun ki mynsiem briew. Man ka por, ki pulit kila pyllong ruh ia ka jingpynsngewthuh ia ki nongniah kali naduh ki trok, ki kali rit bad kumjuh ia ki ar shaka namar ba ka jingniah khlem akor jongki, ka la buh jingma ia ki mynsiem briew.
Ka sienjam ba la shim ki pulit ka la ioh ia ka jingiaroh na ki paidbah kylleng namar ba ka wanrah ia ka jingshngain.
Bunkam tam ki pulit ri bhoi ban pyniaid kali, ha surok hikai khaweh kti ia ki samla pule
