Shillong: U nongialam ka Congress uba dei u MP na Tura u Saleng A Sangma ula kyntait ba ka jingrem kput ka Congress ha ka elekshon ha Meghalaya ka dei namar bym ler u President ka MPCC u bah Vincent H Pala.
Haba kren mynta ka sngi, u Saleng ula ong ba ym lah ban pynkit pop tang ha uwei u briew haba rem ka party hynrei ka dei ka jingkitkhlieh lang.
U la ong ba ka Congress kan leit iakhun sha ka GHADC elekshon marwei khlem iateh paralok eiei badno badno ruh.
Ha kajuh ka por, u la ong ba ka District Council kam lah ban iashong lang bad ka Panchayat namar ba ki don la kajong ka kyndon ba la pynkup bor ka riti synshar ka ri.
Iada u Saleng ia u bah Pala, yn iaid marwi ka Congress ha elekshon GHADC
