Shillong: Ka Nongkseh SC ka la rah ia ka nam lahduh ka lympung 1st Division 2025 kaba la pyniaid ka Shillong Sports Association kaba long mynta ka sngi ha madan 1st ground ka SSA ha Polo Shillong. Ka Nongkseh ka la ioh ia ka khusnam T. 2 lak kum ka lahduh.
Ia kane kawei ka kol kaba dei ka nam jo pia ka Nongkseh la thep da u kapten u Hardy Cliff ha ka kylla step.
Watla ka MLP FT ka la iakhun dohiap ban pynphai kylla hynrei kam shym la lah satia haduh ban wai syndon ka jingialehkai. Ka la ioh ia ka khusnam T. 1lak.
Ka jingialehkai ka la shongshit bha na ka jingsawa ki jingtem bad ki jingkynhoi na ki paidbah nongkyrshan khamtam na Nongkseh kiba la wan tuid da ki paidbah.
Ha ka jingialehkai, u Manager ka Nongkseh u bah Daniel Thangkhiew ula shah ai red card ha u Referee halor ka jingpynkhein ain jongu ha madan bad la beh sha jaka shong ki paidbah.
Shongshit ka jingiakhun, ioh red card u manager, jop ka nongkseh ia ka 1st division ka ssa
