Shillong: U MLA ka Umsning u Dr. Celestine Lyngdoh uba ju khot ieid kum u Dr. Bom, ula iaroh tyngeh ia u myntri rangbah ka jylla u Conrad K Sangma haduh ba ula pynpaw ba u la long kum u doktor ka Umsning.
Ia kane u Dr. Bom ula pynpaw ha ka jingialang ha Umsning Dorbar Hall ha kane ka sngi Thohdieng, ka 21 tarik Naiwieng 2025 ha kaba u Conrad ula wan ban iuhkjat ban iakynduh ia ki paidbah ryngkat ki song kam pynroi ha kaba ula kular ban ai street light, ban pynbha ia ka madan phutbol, ka jingbym ioh um bam bad ka nala nalor ki surok shnong.
U Dr. Bom ula ong ba ma u la don 54 snem katba u Conrad u dang 47 snem hynrei ka jingmut jong u pat kaba iar bad u la dei u doktor ka Umsning.
Katba u MLA ka Mawhati u bah Charles Marngar haba iaroh ia u Conrad ula ong ba u dei u myntri rangbah u bym ju hun tang ban pule ia ki memorandum ha kamra ha Secretariat hynrei u da pyllut por ban hiar sha madan ban jngoh ban peit ia ka jinglong jingman ban pynthikna ba ka kam kan urlong.
U Conrad u dei u doktor ia ka Umsning, iaroh u Dr. Bom| um hun ban shu pule ia ka memorandum, ong sa u bah Charles
