Shillong: Ka nongbah Bengaluru kala sakhi ia ka drama hapdeng surok myn sngi myn shai ha ka sngi Baar, ha kaba ki briew kiba la leh mynleh kum ki nongtrei ka tnad Tax ka sorkar India kila pynsangeh ia ka kali kit pisa ne ka ATM van bad ki la leh mynleh ba ki donkam ban pynshisha ia ki kot ki sla bad ban peit ia ka pisa.
kane ka la jia hajan ka Ashoka Pillar ha Jayanagar, ha kaba kine ki nongtuh kila bat ia kane ka kali bad tang da ki minit kila krad syndon ryngkat ka pisa haduh T.7 klur.
Ki pulit kila ong ba kane ka kali ka la kit ia ka pisa na ka HDFC Bank branch ha JP Nagar haba ka kali Innova ka la khang lynti sbak.
Kine ki nongtuh kila tan ia ki nongtrei shapoh ka kali jongki ryngkat ka pisa bad hadien ki pynhap noh ia ki hajan ka flyover shwa ban krad wut bad katei ka pisa.
Kiba tohkit ki ngeit ba kine ki ganga ki phet lyngba ka surok Bannerghatta Road. Ki pulit kila pyllong ia ka jingtalasi bad thwet ia kine ki gang ha ki jaka bapher bapher khamtam ia ka kali Innova kaba ki pyndonkam. Na ka CCTV na Jayanagar ki pulit ki dang eksamin bniah ban buddien ia kane ka kali.
Napdeng surok rong tuh T. 7 klur, pynsangeh ki briew ba leh kum u ophisar ia ka kali kit pisa
