SHILLONG 15, Jymmang: U kyrtong MLA ka Congress na Mawlai u Bah Marbud Dkhar u la iehnoh kam ruh kum u Chief Adviser jong ka Mawlai Block Congress Committee (MBCC).
Katkum ka shithi ba la phah sha u President jong ka Meghalaya Pradesh Congress Committee (MPCC) u bah Vincent H Pala, u bah Marbud u la kdew ba namar ki daw shimet u la hap ban iehnoh na ka party Congress bad ia ka kam ba u bat ha ka MBCC.
Lah ban kdew ba u bah Marbud Dhar udei u kyrtong ka Congress uba iakhun ha kane ka ilekshon MLA,2023 na Mawlai konstiwensi.
Kum ban shu pynkynmaw, napdeng ki Hynriew ngut ki kyrtong na Mawlai konstiwensi, u bah Marbud u wan ba saw da kaba ioh 1506 vote.