Shillong: Ka thoh ka tar Khasi, sa shisien ka la nang
iphuh iphieng da ka jingpyllait paidbah ia ka thup poitri bathymmai
bad ai kyrteng, “Na Synnia Batlem” ba la thoh da ka samla Esabel
Kharlukhi. Ia kane ka thup poitri, “Na Synnia Batlem” la pyllait
paidbah da u dkhot ka Iing Dorbar Thaw Ain ka Meghalaya, u Bah H.S.
Kharpran, uba mih khmat ia ka Mawryng-kneng Constituency ha East Khasi
Hills District. Ia kane ka kot la pyllait paidbah ha ka Ophis jong ka
Khasi Authors’ Society, Shillong ha kane ka sngi nyngkong. Ha ka
jingkren jong u kum u Kongsan, u Bah Kharpran u la ai mynsiem ïa ka
myllung bad pynsngew ruh ia ka jingdonkam ban pynrung ïa ka ktien
Khasi ha ka khyrnit kaba phra jong ka Riti Synshar ka ri. Kiwei kiwei
ki nongkren, ki kynthup ïa i Symbud Kongsan, i Prof. Streamlet
Dkhar,iba long ka President jong ka All India Poetess Conference,
Meghalaya Chapter bad Dr. Thomlin Lynshing, Editor, Khasi Authors
Society iba la
ai ïa ka jingkynthoh halor katei ka kot. Kane ka dei ka kot banyngkong
jong ka samla Esabel Kharlukhi bad ka don baroh 23 tylli ki poim halor
kiba bun ki phang.
Pyllait paidbah u MLA H.S. Kharpran ia ka thup poitri, “Na Synnia Batlem”
