Shillong: Ka sorkar jylla kam lah ban khein khun khadduh ia ki kali kamai ban leh katba ki dawa hynrei ka hap ban peit lang ia ki jingeh jong ki trai jaka jngohkai, ki trai ïing basa ruh namar ba ka kam jngohkai kam hap tang ha kiba kit da ki kali kamai.
Haba kren mynta ka sngi, u Commissioner & Secretary ka tnad jngohkai ka jylla u bah CVD Diengdoh ula ong ba ka sorkar ka dang bishar bniah ia ki jingdawa ka seng kali kamai halor ka bai pynieng kali ha phyllaw ka kad liengsuin ha Guwahati bad kiwei ki jingeh jongki.
Hynrei namar ba ka sorkar ka hap ban sngap lang ia ki jingeh bad ki jingai jingmut jong ki trai jaka jngohkai, ki trai ïing basa bad ka donkam ban bishar bniah bha bin pa bin shwa ban shim ia ka sienjam.
U la ong ba ka Committee halor kane, ka la ju iashong iakynduh bunsien ban wad ia ki lad ki lynti.
Ki kali kamai kim lah ban leh khun khadduh, hap peit ruh ia ki trai jaka jngohkai, ki trai ïing basa
