Shillong: Ha ka sngi Thohdieng, u myntri rangbah ka jylla u Conrad K Sangma ula kynduh kyrpang ia ki Nokma ka thain rilum Garo, ki nongialam seng bhalang kynthup ka Garo Students Union (GSU) kaba ialam u President u Tengsak Momin ha Tura.
Ha kane ka jingkynduh, u myntri rangbah ula pynshai halor ki jingeh ba ka Garo Hills Autonomous District Council (GHADC) kala iakynduh khamtam ha kaba iadei bad ka pisa tyngka haduh ba kam lah siew shuh ia ki nongtrei.
U myntri rangbah ula pyntip ba ka Garo Hills Autonomous District Council (GHADC) ka kamai kumba T.25 klur ha ka shi snem katba ka jinglut tang ban siew tulop ka la kot sha ka T.70 klur bad dei na kane ka daw, ka sorkar ka la shim ia ka jingkitkhlieh ban iarap ban thaw thymmai ia ka GHADC, ioh ba kan khyllem.
Ula ong ba ka sorkar jylla kam don kano kano ka bor ban tuklar ia ka jingtreikam ka GHADC hynrei ka shu iarap ban siew tulop ia ki nongtrei bad ka la kular ban sdang ia kane naduh ka 1 tarik u Naiwieng 2025.
Kynduh u Conrad ia ki Nokma, pynshai ia ka jingeh ka GHADC
