Shillong: Mynta ka sngi da ki hajar ngut ki samla kynthei bad shynrang kynthup Khasi-Jaintia kila wan sngap shah hikai ia ki jingbatai ia ki jingdonkam kumno ban pynkhreh ban rung kam shipai khappud ne Border Security Force (BSF).
Ka tnad BSF ka la mang kyrpang 300 tylli ki kam na ka bynta ki samla ka Meghalaya kiba dei ki Schedule Tribe ban rung kam ha kane ka tnad.
Ha kane ka jinghikai, la wan batai u Rajiv Kumar Sharma, Commandant Establishment BSF, ha kaba iadei kumno ban pynkhreh ia ki jingkylli, ki jubab bad ruh kiwei kiwei ki jingdonkam.
La synran lang u Majistor bah Shanlang Warjri, MCS uba la pynpaw ba ki samla Khasi kim duna ban iakhun ha kane ka kam hynrei ka donkam pat ka jingtrei shitom. Ula ong ba kaba sngew tynnad ka long ba la bun ki samla Khasi kiba la mih bad kwah ban rung kam shipai khamtam na nongkyndong namar ba ka sorkar ka la pyrshang ban pynmih ia ki jingbna sha baroh kylleng.
Poi hajar ki samla Khasi kynthei bad shynrang kiba wan shah hikai ban rung kam shipai BSF
