Shillong: San ngut ki briew kila mynsaw hadien ba ka kali number ML 05 N 1247 ka la leit tynrah ïa ka kynroh lynti iaid kjat ha ka thaiñ Khyndailad hajan ka khyrdop ban rung sha MLA hostel.
Katkum ka jingïathuh ki briew, kane ka jingjia ha ka por kumba 4 duna janmiet bad la iathuh ba ka daw ka lah ban dei na ka jingkem pang kynsan u nongniah ba kiew ka BP ne Blood Pressure katba u dang niah ia ka kali.
Ia kine kiba mynsaw la pynkit noh sha jaka sumar.
Kham hadien, ia kane ka kali kaba la julor na ka bynta ka khmat, la wan tan noh ka kali khwai ki pulit.