Shillong: Ka Congress ka la ther tyngeh ia ka sorkar NPP kaba synshar ha ka jylla bad ka takrain ia ka jingkam u myntri rangbah ba ka jylla Meghalaya ka dei kaba kiew stad tam ha ka ri ban bud ia ka jylla Tamil Naduh.
U MP ka Tura u Saleng A Sangma bad u Mathew Anthony uba peit ka AICC ia ka Meghalaya, u Mathew Anthony, kila ong ba ka jingong ba ka jingkiew sted ka jylla kumba la kam u myntri rangbah, ka lah ban dei tang ka jingkiew ha ka jingnang bun kiba dih kiba khaïi drok bad kiba pang HIV, AIDS bad ka jingkiew spah ki myntri sorkar.
U Anthony ula ong ba lada u myntri rangbah u kren ia ka jingkiew sted u drok, ki paidbah ki lah ban ngeit, ym ki kam pynroi bad ka ioh ka kot jong ki paidbah.
Kumjuh u Saleng ula ong ba ki don palat 3 lak ngut ki briew kiba ioh jingpang HIV ha ka jylla bad ula ther tyngeh ia u myntri rangbah bad ka sorkar kiba la lapmiet ban kamai spah kiba don ha ka bor katba ka jylla ka nang hiar.
Ula ong ba ka jingwanrah ka sorkar ia kita ki kompeni ka long ka jingdie duh ia ki jaka ki trai jylla namar ba kim ioh jingmyntoi eiei.
U Saleng ula ong ba ka jingsuk ha ka jylla Meghalaya ka la wan ban synshar hadien ba la mad ia ki jingshyrkhei ha ki phew snem kiba la leit.
Hynrei kaba sngewsih ka long ba kane ka sorkar mynta, ka la bym suidniew ia ki jingeh ki samla, haduh ba kin poi ka jingmut jingpyrkhat ban leit sha ki seng pyntriem.
U Saleng ula ong ba ki por jong ka jingingiew ka la leit hynrei balei kane ka sorkar ka la kren tang ia kita ki projek kiba heh baheh katba kam phaikhmat eiei ia ki jingeh jongki samla.
Ka jingkhie im biang ka kam lehnoh bad ka jingshah pynbor ki samla sha ka kam lehnoh, kam ktah tang ia u hynrei ia ka Jylla baroh kawei.
U la ong ba ula dep ai jingujor sha ka sorkar India kynthup sha u Prime Minister, Home Minster halor ka jingjyllei u drok, ki kam khappud, ka jingbym biang ka jingker sainar bad kiwei.
‘Kiew sted tam ka Meghalaya ha ka HIV, Drok bad spah ki minister’, kynther ka Congress ia ka sorkar
